قافل انته

قــــافــل انــتــه

بعينك شفت احبك ماشفت لك
ولك بالروح علة ماشفت لك
عليك اشكد اعاني ماشفت.. لك

عليك اشكد اعاني ويامعاني
والك كلبي كنيسة ويامعاني ( جامع)
شتفسر حبي لاجلك يامعاني

ومعاني شكد جبتلك حتى افسر
واسير بدرب حبك حتى فسر
دخذ سري ويه سرك حتى افسر

ونكشفهن سوية ومانضمهن
شتحسب انه اضمهن مانضمهن
فارس شعري يمك مانضمهن

وكعد بس يقرة يمك ماكتبتة
ونقش نقشيتة حبك ماكتبتة
دكلي وياك حضي ماكتبتة

شماكلك احبك قافل انته
يعين وشين اليه وقاف الي انتة
شتحمل بيه همك قافله انته

وشلت كل هذا حجيك عله بيه
وضغط حبك دمرني وعله بيه
تعال وخل اكلك عله بيه

اكضي الليل ساهر ان اونه
وعليك احنة انتعارك انه وانه
تعال وخل اكلك انه وانه

والــــــيــه ولا تــضــن مــصــيــر الــيــه

مشكور ياسر كلمات جميلة وردة تقبل مروري

الله الله الله على الكلمات الرائعه عاشت ايدك يامبدع

تحياتي