حب فوق القوانين

(((((حب فوق القوانين)))))))

إذا اوصف عيونك لازم احتار
وإذا أوصف خدودك أوصف الكون

يالعينك سمه وخدك مجرات
شلت دنيانه كلهه بهاي العيون

لمن شفت الكَمر حسبالي هليت
ماميزك عليه انتم فرد لون

بحر شعرك يفيض بموجته الليل
ويمد بخلكَه يبحر فوكَ المتون

معقوله اليظن بيه اكَدر انساك!!
وأعوف الجنه واسكن نار الظنون

ياديرة امان شلون امر بيك
وأشوف اهل العشك لجلك يركضون

لخلي الطائفيه ضلوعي الاثنين
وأهجر كَلبي بيدي واكلب الكون

الك كسرات شفه محيره كل عين
كنز حسنك لحد هالساع مدفون

كون يصح بدي لبنيلك اهرام
واقبل بالذنب كون انه فرعون

تعال انطيني شفتك بوسني هنا
تعال وكَلي الك ياروحي ممنون

تعرف ليش احبك تدري يهواي
ماادري انه ليش بحالتي شلون

بيك شكد اسولف واحجي للناس
تعب حته الخلك واذن اليسمعون

وشيطاني اليوزني يريدني اهواك
ماكولن عليه شيطان ملعون

شفت وسط المسله شكَد قوانين
أسف لهل العشك مابيهه قانون

لذلك ماكو خوف وحيره وأشكال
إذا حظنك بدي وأهلك يشوفون

حق شرعي العشكَ فوق القوانين
حواسم هذا حبنه وخل يكولون

حق شرعي العشك فوق القوانين
حواسم هذا حبنه وخل يكولون

كلمات رائعة كلش حلوة تقبل مروري

زائر

مشكوور اخي عاشت ايدك ورده
تحياتي

مشكور على المرور الجميل شموسه 0 عاشق سماء بغداد