قصيدة اكثر من الروعة(((لأن اصلك عراقي)))

عراقي شبيك ليش الدول رفضوك
ولا واحد ينشف دمعه عيونك

حرام بوجهك انته وسدوا البوب
واذا مو فيزاا عندك ما يدخلونك

عجيبه بهالزمان شغير الناس
ومحد يسأل انته شبيك وشلونك

جنت للضيف بيدك تفتح الباب
وهسه تروح يمهم ما يضيفونك

وجنت دكتور انته اداوي الجروح
ومجروح انته هسه وما يداوونك

وجنت ما تنام ليلك بس تحرس الناس
شجاهم هسه ليش ما يحرسونك

كبل ينخوك تركض الهم بساع
عباس انته بالشدات يردونك

غيره ومرجله وبيك ارفع الراس
عراقي شتسوه هاي الدنيا من دونك

راح ارجع بعد ليش ابقه مذلول
بعد ما اريد فيزا ولا اقامه

بعد ما اريد اعيشن عمري حزنان
بوسط بغداد اريد ارفع الهامه

عشت عمري الام وجروح
ودموع عيوني هاي اكبر علامه

بدونك يا وطن كلنه ايتام
عايش انته بس احنه نيامه

والدنه العراق وامنه بغداد
وبعد بغداد منعيش بسلامه

مشكور اخي شعر جميل وان شاء الله الموفقية ولبداع

مشكور معذب كلمات روعة ومتعنة بمواضيعك الحلوة تقبل مروري

زائر

غيره ومرجله وبيك ارفع الراس
عراقي شتسوه هاي الدنيا من دونك

مشكوور اخي عاشت ايدك